Те повика благодатта,
те озари светлината,
те просветли вистината,
те освои Животот.

О Јоване благодатен имателу,
о јагне кој го исповеда Јагнето,
о покрову со срце отворено
за Оној Кој душа ми подари.

Ноќ повторно наидува
во утро рано на мои очи,
ученик наместо да се надѕидува
дозволил нешто да го кочи.

Прослава чесна Небесна
за учител се одвива
ликува Небеса, торжествува,
Црквата воскликнува.

(ВИДЕО)

Во спомен на нашиот брат во Христа, игуменот Игнатиј Амелкович

26.04.2020 †

Господ да му даде Царство Небесно!

Не остави штурци да шепотат
за слава на бесмртен –
зад неа погледни
повик кон ветување на земен,
ум над магла да подигни
во времето беше испратен.

Збир на средби ли натокми
кога за рака ме поведе,
да ме запознаеш со пријатели,
твои и Господови, о Кипријане.

Патека не ни посла
туку пат отвори,
во плотта наша
Животот да се обнови.

Но во Тебе Пресвета,
Он се смести,
Он на Кого Небесата престол му е,
а  земјата подножје на нозете Негови.

  До верниот народ на Едната Света Соборна и Апостолска Црква,

мир и благослов од Бога Троичниот Кој и во овие денови на седмицата страсна не нѐ остави без утехата на Духот Свети, туку уште повеќе забрза како при Светото Крштение, да побара, пронајде во нас сѐ што е за очистување, но и да повика повторно горе да ги имаме срцата и очите да побараат небеса.

                  по повод Благовештение

Цвет не можам да донесам

зошто таква градина немам,

која послана може да биде

од мириси кои срце не ги виде.

Ја чекам да се буди
Или таа ме чека да се разбудам,
За сето она што ми се нуди
Надевајќи се дека ќе се вразумам.

Полека ја подава својата свежина
Независно од тоа дали е облачно или ведрина,
Давајќи ми пример – што и да се случи,
Господ промислува и постојано нѐ учи.

Човечкиот јазик е предназначен да изрази реалности од различни планови: постои житејски план на природни потреби; постои нему близок, а сепак од него различен план на примитивни душевни чувствувања и страсти; постои јазик на политичка демагогија; постои научен, философски, поетски јазик; на крај, највиш од сите – јазикот на Божественото Откровение, молитвата, богословието и другите односи меѓу Бога и луѓето - јазикот ЛИТУРГИСКИ.

Многуговорливоста е престол на суетата, на кој таа радо се појавува во целиот свој сјај.

Многуговорливоста е знак на незнаењето, капија на оговарањето, предводник  во шегувањето, слуга на лагата, лишување од смирението, повикувач на унинието, претходник на соништа, расејување на молитвата, губиток на вниманието, ладење на топлината, гасење на молитвата.